اقتصاديا نجحت البورصة المصرية في مواصلة مكاسبها لدى اغلاق تعاملات اليوم حيث حقق رأس المال السوق لأسهم الشركات ...."
ايـه الكلام الكبير ده !!!
كـام مره وانت بتتفرج علي الأخبار وتيجي فقره النشره الأقتصادية وتحس ان الراجل بيتكلم هندي او لغه كده مش مفهومه هي ايه بالظبط هي عربي اااه بس مش فاهمين اي حاجه من الكلام اللي الراجل بيقوله عارفين ليـه ؟؟ علشان طول عمرنا الأقتصاد
بيتشرح لنا بطريقة صعبه ايـه الكلام الكبير ده !!!
كـام مره وانت بتتفرج علي الأخبار وتيجي فقره النشره الأقتصادية وتحس ان الراجل بيتكلم هندي او لغه كده مش مفهومه هي ايه بالظبط هي عربي اااه بس مش فاهمين اي حاجه من الكلام اللي الراجل بيقوله عارفين ليـه ؟؟ علشان طول عمرنا الأقتصاد
بيقولولنا المفاهيم والمصطلحات والأفكار اللي في الكتب من غير ما يكون ليها اي تطبيق علي ارض الواقع
ايه هو الأقتصاد ؟؟
دلوقتي هنتكلم علي حاجه مهمه " ليـه أقتصاد !! وايه اهميته في حياتنا وليه علم الأقتصاد ده اصلا موجود ؟ وهو ليه كل النظريات معقده وفيها رسوم بيانيه ومنحنيات طالعة ومنحينات نازله وفيه سين وفيه صاد وكلام معقد مش فاهمين منه حاجه
بكل بساطه لو عايزين نشرح الأقتصاد ده في جمله هنقول :
"هي الطريقة اللي بنقيس بيها غنى او فقر اي دولة سواء بتنتج أو بتستهلك علي سبيل المثال "المانيا اكتر بلد بتعمل ماكينات كويسة وعارفين ان مصر بتستهلك قمح كتير" في نفس الوقت بنلاقي ان الأقتصاد بيجاوب علي اسئلة كتير حوالينا "اهم سؤال من الأسئلة دي" هي ازاي ؟؟
ازاي نخلي اقتصاد مصر أحسن ؟؟ وممكن السؤال ده ينطبق علي اقتصاد اي دولة .. جوا الأقتصاد نفسه هنلاقي في فرعين رئيسين :
الفرع الأول اسمها الأقتصاد الكلي ، والفرع التاني اسمه الأقتصاد الجزئي
لما نيجي نبص علي الأقتصاد الكلي ومفهومه هنلاقي انه مهتم برؤية عامه عن الاقتصاد وبيقارن دول ببعض زي مثلا روسيا مع الصين ، هل مثلا روسيا فيها اسعار مرتفعه ولا الصين فيها بطالة ؟
وده الفرق بين الأقتصاد الكلي والجزئي
الجزئي بيبص علي تفاصيل التفاصيل الموجوده جوا كل بلد، يعني مثلا بيقارن قطاعات ببعض مثلا قطاع صناعة السيارات مع صناعة صناعه المنسوجات وكمان بيبصوا لكل قطاع الشركات اللي جواها عاملة ازاي هل شركات كبيره صغيره وهو ده الأقتصاد الجزئي
والأقتصاد عامه سواء كان كلي او جزئي بيحاول يجاوب علي 3 اسئله مهمه
1- احنا هننتج "ايه" ؟ هل مثلا هننتج الومونيوم في نجع حمادي ولا هنصنع حاجه تانية
2-بيجاوب علي اننا هنصنع الكلام ده "ازاي" هل احنا محتاجين ايدي عامله ومصانع ولا حفار عشان نطلع بترول من البحر
3- هنصنع الكلام ده لمين "هل لناس في مصر يستهلكوا ولا هنصدروا
وده بكل بساطه هي الرؤية الأولي للأقتصاد ، هي المقدمه اللي تفهمنا ليه الأقتصاد مهم
ليست هناك تعليقات:
إرسال تعليق