اليوم سوف نحاول نتعرف علي يعني ايه "طبيعة المشكلة الإقتصادية" ومن خلالها هنتعرف علي 3 مفاهيم رئيسية
الأولي هي "تكلفة الفرصه البديلة" ، تاني حاجه "يعني ايه مفاضلة" وايه دورها في الأقتصاد ، تالت حاجه "الأختيار" وهو مفتاح اللعبه خاصة في وجود موارد محدوده
عشان نفهم طبيعة المشكلة الإقتصادية تخيلوا معايا ان انت صحيت من النوم في يوم الساعه 6 الصبح وكان وراك حاجات تعملها "عمرك ما قولت مثلا ليه اليوم ده مكنش فيه 4 او 5 ساعات زياده كنت ممكن
انام فيهم طب تخيل انك عندك يوم أطول بكتير من الـ 24 ساعه تقدر تعمل فيهم اللي انت عايزه "تنام/تشتغل/تذاكر/تخرج مع صحابك" الأولي هي "تكلفة الفرصه البديلة" ، تاني حاجه "يعني ايه مفاضلة" وايه دورها في الأقتصاد ، تالت حاجه "الأختيار" وهو مفتاح اللعبه خاصة في وجود موارد محدوده
عشان نفهم طبيعة المشكلة الإقتصادية تخيلوا معايا ان انت صحيت من النوم في يوم الساعه 6 الصبح وكان وراك حاجات تعملها "عمرك ما قولت مثلا ليه اليوم ده مكنش فيه 4 او 5 ساعات زياده كنت ممكن
تخيل بقي لو ده حقيقي هتعرف تعمل كل حاجه انت عايزها ومش هتضطر تختار ما بين حاجه والتانية ، بس للأسف علي ارض الواقع الكلام ده مش صحيح لان انت دايما عندك 24 ساعه ودايما بتضطر تختار
ولما نيجي نبص علي موضوع "الأختيار" هنلاقي ان انت دايما عندك اولويات مثلا تضطر انك تروح المدرسه بعدين تروح النادي وتقول لنفسك مش شرط انك تخرج مع صحابك وساعتها بتضطر انك "تنظم" وقتك بطريقة احسن وهو ده طبيعة المشكلة الأقتصادية أنك بيبقي عندك اولويات وانك بيبقي عندك تنظيم لوقتك
بعد ما عرفنا أن الوقت محدود كل يوم تخيلوا معايا انك في يوم من الأيام فاضلك ساعتين وعايز تعمل حاجه، يا اما تروح السينما او انك تتفرج علي الماتش ، انا مثلا ممكن اختار اني اروح السينما وساعتها تكلفه اني اروح السينما أني اخسر اني اتفرج علي الماتش وهي دي "تكلفة الفرصة البديلة" وممكن مثلا تلاقي واحد تاني الأولوية عنده انه يتفرج علي الماتش وهكذا .. وده برضه بينعكس علي سياسات الدول المختلفه ، هتلاقي فيه دولة بتفضل حاجه عن التانية .
لو وسعنا نطاق المثال ده هنلاقي انه بينطبق علينا كأفراد وجماعات كل يوم وفي اي مورد ، دايما عندنا موارد محدوده ودايما عندنا احتياجات غير محدوده ، ودايما بنضطر اننا نختار ما بين حاجه واحده منهم ، وده اللي علي اساسه الدول بتحدد سياستها ، واللي علي أساسها بتبقي متقدمه وغير متقدمه
يعني علي سبيل المثال لما كل دولة تحدد الميزانية بتاعتها واللي هي المصاريف انها متوقعه ان هي تصرفها السنه الجايا علي الدعم او الصحه او التعليم .. بتضطر انها تاخد من موارد محدوده .. طيب فالنفرض انها عندها موارد غير محدوده ؟؟ ساعتها هنلاقي اننا بنعرف نشتري حاجات بأرخص التمن وهنتعالج أحسن علاج وهنتعلم أحسن تعليم
بس للأسـف ده مش صحيح لأن دايما وعلي طول كل الدول عندها موارد محدوده لما نيجي نبص علي مصر ونبص انها عندها موارد محدوده ودايما عندها اولويات في الموازنه هنلاقي ان الموارد المحدوده دايما بتروح لحاجه زي دعم البنزين ودايما تكلفه دعم البنزين هي الفلوس اللي كانت ممكن تدّفع علي الصحه او التعليم ، نفترض مثلا اننا شلنا الدعم من علي البنزين ساعتها هيكون في فلوس هتكون متاحه اننا نصرفها علي الحاجات التانية وساعتها احنا حالنا ممكن يبقي أحسن
بس دايما الأقتصاد بيحاول يجاوب علي أزاي ان احنا نستخدم الموارد المحدوده اللي عندنا الأستخدام الأمثل عشان نلبي الأحتياجات الغير محدوده
وبكده عرفنا ايه هي المشكلة الاقتصادية يا تري بقي من وجهه نظركوا ايـه الحاجات اللي في حياتك تستحق تكون من اولوياتك عشان تعرف تكلفه الفرصه البديلة ؟؟
ليست هناك تعليقات:
إرسال تعليق